You want some history...it's a mistery...

Willkommen...Bienvenue...Welcome!

Til hamingju allir sem að nenntu að lesa síðustu færslu...hún var frekar mikið löng :P

En annars er bara frekar lítið að frétta af mér í Lúxus landinu! Það er heldur búið að bætast í au pair hópinn og erum við orðnar frekar margar :) En það er bara gaman! :) Um síðustu helgi hittumst við nokkrar og fórum út að borða saman á mjög góðan indverskan stað niðrí bæ og kíktum svo á smá skrall eftir á. Á laugardaginn fórum við svo nokkrar sama til Trier að versla smá :)

Annars var vikan bara mjög róleg...kíktum aðeins út á þriðjudaginn og miðvikudaginn...en á þriðjudaginn fékk svo Hanna loksins loksins sendan Kanye bolinn sinn...sem þýddi að ég gat loksins farið í minn! :) Þannig að við mættum fáránlega nettar í bæinn á þriðjudaginn ;)

Swagger on a hundred thousand trillion!

Á miðvikudaginn kíktum við svo líka aðeins niðrí bæ til að kveðja Írisi, vinkonu hennar Hönnu en hún var búin að vera í heimsókn hjá henni í viku :)

Á föstudaginn tókum við bara chill kvöld, horfðum aðeins á friends hjá Kaju og svo voru svo ég og Hanna bara að keyra celeb um skemmtistaði Lúxemborgar ;)
Í kvöld held ég svo að allar au pair stúlkur Lúxemborgar (þær íslensku allavega) séu að passa þar sem að í kvöld er Þorrablót íslendingafélagsins hérna :)

Jæææja....ég er algjörlega tóm...veit ekkert hvað ég á að segja frá meira...frekar viðburðalítil vika.

Vonandi að ég geti sagt frá einhverju aðeins skemmtilegra næst ;)

Lag dagsins: She loves everybody - Chester French...þetta eru snillingar! og þetta lag þá sérstaklega! Myndbandið er líka geðveikt ;)

looove frá Lúx

Helena ;**

Don't need another love song when you the love bomb...

Úff...þetta er nú búið að taka mig aðeins of langan tíma!

Var eiginlega orðin nett pirruð á sjálfri mér fyrir að vera ekki búin að þessu! Sérstaklega þar sem að núna er svo mikið til að segja frá að þetta á eftir að vera stjarnfræðilega langt blogg...well bear with me ;)

En núna er liðinn rúmur mánuður frá því að ég kom aftur til Lúx og er bara nokkuð sæl með það :)

Eftir ótrúlega ljúft jólafrí fórum við aftur 3. janúar...og held ég að ég geti með nokkurri vissu sagt að ég ætli aaaaaaaaaldrei aftur að fljúga með sætaseljurunum aka Iceland Express. Þetta var bara aðeins of mikið klúður! Til að byrja með þá var 3 klst seinkun á fluginu...ok...ég vissi af því í tíma og það var bara fínt...auka tími heima ;) En síðan þegar að við erum komin uppí vél þá segir flugstjórinn okkur að það sé bilun í einhverju "instrumenti" í vélinni og því verði smáá seinkun. Þetta smáá...er held ég mesta understatement sem að ég hef vitað! Við biðum inní vélinni í 2 klukkutíma! Þeir reyndu einu sinni að taka af stað...en þá kom bilunin upp aftur...great...ég er ekki flughrædd...veit varla hvaða tilfinning það er...en mér fannst freeekar óþæginlegt að vita til þess að það ætti að reyna að fljúga með okkur í bilaðri flugvél! En loksins eftir 2 tíma bið var okkur hleypt út úr vélinni þar sem að önnur vél átti að vera tilbúin að taka við öllum farþegunum...sem að hún var auðvitað ekki! Heldur tók við rúmlega klukkutíma bið í viðbót!
Á lokuðum flugvelli! Þegar að við komum svo inní nýju vélina var ekki hægt að leggja af stað fyrr en eftir hálftíma....þar sem að það var ekki búið að fá lendingarleyfi í Lúx! Hvað get ég sagt...þetta eru meistarar!!! Ég get því eiginlega ekki líst því hversu gott það var að komast loksins heim og uppí rúm að sofa!

En svo kom smá óvænt uppá og þegar að ég var búin að vera úti í tæpar 2 vikur kíktum við í viku heimsókn til Íslands...ég átti upphaflega að vera ein heima að passa...en aðstæður breyttust aðeins og við fórum bara öll..og ég ákvað að það yrði lang skemmtilegast að láta engan vita ;) mamma og pabbi voru þau einu sem að vissu af heimsókninni :P
Svo fór vikan bara í SUPRISE! heimsóknir ;) Sem að var aðeins of skemmtilegt :D Ég vildi óska að ég hefði náð að heimsækja fleiri...en því miður gafst bara ekki tími í það :(

Ég (og Hanna & Kaja) höfðum svo beðið eftir föstudeginum 23.jan(daginn eftir að ég kom aftur til Lúx) með mikilli eftirvæntingu :) En þá fórum við að sjá Kaiser Chiefs spila hér í Lúx...og my oh my þetta eru sko MEISTARAR!!!!! Þeir voru svo fáránlega góðir! Við vorum pínu seinar á tónleikana...þar sem að við lentum í smá erfiðleikum með að finna staðinn :P Þannig að við bókstaflega tókum sprettinn inní Rockhal þar sem að þeir voru byrjaðir að spila fyrsta lagið, (Heat dies down) þannig að það var frekar mikið MOMENT :) Eftir tónleikana kíktum við aðeins heim til Kaju og ætluðum svo að kíkja aðeins niðrí bæ...en svo á endanum fórum við Hanna bara 2 niðrí bæ og Kaja & Nanna urðu eftir hjá Kaju. Við stoppuðum samt ekki lengi þar sem að við vorum um það bil vandræðalegustu gellur í Evrópu...þannig að við bjölluðum bara í Arndísi & Lilju sem að voru að klára að passa og báðum þær um að koma og pikka okkur upp. Og í stað þess að bíða bara inná White ákváðum við að fara bara í göngutúr í kuldann...ekki okkar besta move...enda held ég að röddin mín hafi endanlega gefið sig eftir klukkutíma göngutúr úti í kuldanum!

Snillingar!

Fáránlega gaman hjá okkur ;)

Á laugardeginum fórum við á frekar misheppnað...en fyndið djamm...en við vorum nokkrar búnar að kaupa okkur eins pallíettu-kjóla (mismunandi á litinn reyndar) þar sem að það átti að vera disco þema á einum staðnum niðrí bæ...þegar að við komum svo niðrí bæ furðuðum við okkur á því afhverju enginn var dressaður upp í disco gallann! Og hvað var málið með tónlistina...þetta var svo ekkert disco! Nei nei þá var þema kvöldið ekki fyrr en helgina eftir!!! Algjörir aular!!

Hér erum við skvísurnar í kjólunum ;)

Á þriðjudeginum var svo komið að 2. tónleikum ársins...Chris Brown. Það er sko ekkert eðlilegt hversu fallegur maðurinn er...einstaklega vel heppnað eintak hahahah! ;)
Tónleikarnir voru í litlum bæ í Frakklandi sem að heitir Amnéville og er ca 30-40min frá Lúx. Þetta var ekkert smá flott show...mikið um sprengingar og ljósa show. Hann byrjaði á því að hanga á hvolfi í loftinu...síðan í miðju showi hvarf hann og kom svo upp úr miðju gólfinu á allt öðru sviði! En því miður held ég að mig langi ekki að fara á aðra tónleika þarna þar sem að fólkið sem að mætti þarna var svo fáránlega dull! Allir eitthvað hálf dofnir og sýndu frekar lítil viðbrögð...við bara öllu! Greyið hefur örugglega aldrei fengið jafn fá öskur við að fara úr bolnum hahaha ;)

Nettastar í Evrópu!! - CB & Yeezy!!!

Chris Brown!!!!

Síðustu helgi vorum við svo allar bara að passa þannig að það var bara róleg helgi...sem að var bara mjög fínt ;) Á föstudeginum bauð Hanna í steik og bearnes...og er ég sko búin að sjá að Hanna og Karitas eru meistarar í eldhúsinu...óótrúlega gott hjá þeim :) Á laugardaginn bauð svo Edda öllum perunum til sín í brunch...og stelpan fór sko algjörlega above and beyond allar þær væntingar sem að við höfðum...hún var búin að baka skinkuhorn, fáránlega gott bananabrauð og eitt það besta túnfisksalat sem að ég hef smakkað! Ásamt endalaust af öðru góðgæti...algjör meistari!!!

Þessi vika er svo bara búin að þjóta hjá og ég trúi því varla að það sé strax komin föstudagur!
En annað kvöld vorum við skvísurnar að pæla að fara saman út að borða og kíkja svo kannski á smá skrall í Clausen í þetta skiptið :) Kíkja svo til Trier á laugardaginn :) Og ég ætla sko ekki að missa af lestinni í þetta skiptið! No way!

Ég held að ég ætli nú bara að hætta hér...segi frá framtíðarplönum okkar stúlknanna síðar...þetta er orðið alveg nógu langt! ;) Spurning hvort að ég reyni að láta aðeins styttri tíma líða á milli blogga í framtíðinni!

Lag dagsins: Everybody knows - John Legend (úff...orð fá ekki lýst hversu mikið ég elska þennan mann!! Ég get bara hreinlega ekki beðið eftir að sjá hann í mars!!!!!!! Það verður LEGENDary ;))

Risa knús og kossar frá Lúx

Helena

...I'm sooorryyyy....

Þetta fer allt að koma....

...það verður komin bloggfærsla fyrir vikulok!!

I'll be home for Christmas....

....já já já já! ég er að fara heiiim á morgun!! Ég trúi ekki hversu fljótt þetta hefur liðið....jólafríið á örugglega eftir að þjóta hjá og ég verð komin aftur til Lúx á no time!

En við stelpurnar erum búnar að vera duglegar að reyna að láta tímann líða sem hraðast þessa vikuna t.d. með leit að ljótasta skreytta húsinu í Lúxemborg...og þau eru nú frekar mörg...er eiginlega undantekning ef að húsin hér eru flott skreytt! Ótrúlegt hvað sum húsin eru fáááááránlega ljót! Og það virðist sem að það sé nánast einungis hægt að velja um tvennt...slöngu seríur...sem eru um það bil eitt það ljótasta sem að ég veit! og jólasveinar sem að virðast vera að hanga í reipi út um gluggan hjá fólki...en í ca 95% tilvika er eins og það sé búið að hengja jólasveininn...mjög fallegt og skemmtilegt...sérstaklega fyrir börnin! En Lúxarar eru yfir höfuð frekar latir í því að skreyta húsin sín...mjög fá hús sem eru eitthvað skreytt! Því verður mjög góð tilbreyting að koma heim í OFURskreytta landið :)

skvísurnar í Trier ;)

Laugardagurinn var líka algjör snilldardagur! Við byjuðum á því að skella okkur til Trier...taka lestina kl korter yfir 9 um morguninn...en auðvitað gat það ekki gengið áfallalaust fyrir sig! Ég og Lilja misstum auðvitað af fjandans lestinni! Hanna, Kaja & Eva náðu henni hins vegar! Ég og Lilja fórum þá bara á maccarann og fengum okkur morgunmat...Lilja greyið var að DEYJA úr þynnku&þreytu en hún hafði farið á djammið með weiler stúlkunum kvöldið áður og var búin að sofa í ca.....klukkutíma, kannski einn & hálfan hahaha!

Hanna tilbúin í djammið!

Svo fórum við bara allar heim og tókum því rólega :) Ég fór svo til Evu um áttaleytið og fór þá að taka mig til...stelpurnar komu síðan aðeins síðar og græjuðu sig...við vorum ekkert smá flottar...vorum búnar að ákveða að taka þemadjamm....Dreamgirlsdjamm :)*Dreamgirls*

Við fengum freeekar mikla athygli...hvert sem að við fórum...eiginlega aðeins of mikla hahaha!

En þetta var alveg FÁRÁNLEGA gaman :) Þrátt fyrir smá óhöpp sem að hefði verið skemmtilegra að sleppa :(

Hópknúúúús!

En nú er klukkan orðin alveg fáránlega margt og ég ætti að vera löngu farin að sofa....

Þannig að ég segi bara góða nótt og sjáumst á klakanum :**

Lag dagsins: Frank Sinatra - I'll be home for christmas....freeekar augljóst :)

RISA knús og kossar frá Lúx

Helena ;*

Fyrir alla þá sem að þurfa að kveljast í prófunum ;)

Nú fer nú aldeilis að styttast í þetta! Aðeins 15 dagar í heimkomu :) Undanfarnir 3 mánuðir hafa liðið alveg fáránlega hratt! Áður en ég veit af verð ég farin aftur út í janúar...eins gott að ég skipuleggi mig vel í jólafríinu...ef að ég ætla að ná að hitta alla fyrir 3. janúar!

En eins og sést í færslunni fyrir neðan átti ég afmæli síðasta föstudag. Dagurinn byrjaði frekar furðulega þar sem að í fyrsta sinn...síðan ég man ekki hvenær var ég ekki vakin með afmælissöng og m0rgunmat (verður bara tekið þegar að ég kem heim;)!!) Opnaði fínu pakkana mína sem mamma og María voru svo indælar að koma með út til mín! Mamma hringdi svo í mig og öll familían söng svo fyrir mig afmælissönginn í gegnum símann...mjög krúttlegt! Eva, Hanna, Karitas & Lilja komu svo til mín í smá brunch og höfðum við það bara rosa kósý :) Ég var svo bara í rólegheitunum mest allan daginn - var búin að panta borð á stað niðrí bæ sem að heitir Cat Club og myndaðist smáá stress um kvöldið þar sem að ég þurfti auðvitað að vesenast smá og vera frekar mikið á síðustu stundu...en þetta reddaðist á endanum (ég skulda ykkur ennþá kokteil stúlkur!!) En staðnum er skipt í tvennt; continental & thai. Ég pantaði borð á continental en þegar að komið var á staðinn var borðið okkar í thai hlutanum...stelpunum leist nú ekkert allt of vel á staðinn í fyrstu en svo held ég að flestar hafi verið nokkuð ánægðar með matinn :)
Eftir matinn var svo haldið niðrí bæ, Maren megadriver skutlaði okkur niðrá Viking þar sem að við komum okkur fyrir á í horninu okkar. Hins vegar brá okkur frekar mikið þegar að við sáum að það var hljómsveit sem að var að setja upp inná Viking....ekkert mál....nema hvað að þeir voru allir fáránlega gamlir...er nokkuð viss um að allavega einn hafi sloppið út af elliheimlinu!! (Og hinir voru hver öðrum ófríðari!)Hanna stökk afstað til að spjalla við ellismellina og komst að því að þetta var local hljómsveit sem að heitir svo mikið sem Radio Pop! Þeir byrjuðu ekkert sérstaklega vel en þegar að leið á kvöldið skánuðu þeir svo...Hækkuðu heldur betur í áliti þegar að þeir spiluðu 'Birthday' með Bítlunum fyrir mig...kunni virkilega að meta það :) Á meðan við stelpurnar skáluðum í kampavíni! Ótrúlega gaman!! Við dönsuðum svo úr okkur allt vit fram undir morgun! Takk aftur æðislega fyrir kvöldið skvísur þetta var æði!!! Ótrúlega skemmtilegt afmæliskvöld :D

Veit ekki hvaða vitleysingur þetta er sem ákvað að stilla sér upp fyrir aftan okkur...en hún var allavega grúppía Radio Pop #1!!!

Annars erum við bara búnar að vera í rólegheitunum undanfarna daga. Á laugardaginn kíkti ég aðeins niðrí bæ með Maren litlu frænku ;) Og var komið jólaskap í liðið, mjög kósý að rölta um bæinn :) Eftir bæjarferðina var svo brunað til Hönnu þar sem að var búið að bjóða í jólaglögg heima hjá henni sem að var rosa fínt. Á sunnudeginum fórum við á international basar sem að er alltaf fyrir jólin hér í Lúx. Þá er fólk frá hinum ýmsu þjóðum sem að er að kynna/selja vörur frá heimalandinu. Og var Ísland auðvitað með sinn bás, þar sem að voru t.d. seldar peysur frá Farmers Market ásamt ýmsum öðrum lopavörum, íslenskt nammi, malt & appelsín og svo var hægt að kaupa sér ýmislegt að borða eins og t.d. flatkökur m. hangikjöti og pulsur. Löbbuðum við því mjög sáttar út með íslenska ss pulsu og appelsín :)


Ég og Hanna erum svo búnar að reyna frá því á mánudagskvöldið að kaupa okkur smá Kanye varning á síðunni hans.....en af einhverjum ástæðum er kortunum okkar alltaf neitað...mig grunar að það sé vegna þess að kortin eru íslensk...að það sé bara búið að loka á íslensku kortin! MJÖG mikið bögg!! En það er vonandi að við finnum einhverja lausn á þessu vandamáli okkar! Annars er ég hrædd um að við verðum frekar mikið vonsviknar!

En ég held að ég hætti nú bara hér þar sem að ég er að fara að borða...

Gangi svo öllum sem að eru að fara í jólapróf rosalega vel...ég mun hugsa til ykkar þegar að ég verð að njóta þess að gera ekki neitt...múhahaha!!

Lag dagsins: Welcome to Heartbreak - Kanye West ... maðurinn er einfaldlega of nettur fyrir lífið og nýi diskurinn hans er GEÐVEIKUR!!!

In case you didn't know....

...en þá er ég afmælisstelpa í dag :)

Jébbs loksins er stelpan orðin tvítug :) Þetta á örugglega eftir að vera frekar skrýtinn afmælisdagur þar sem að núna í fyrsta sinn...ever örugglega verð ég ekki vakin af fjölskyldunni með afmælissöng og morgunverði í rúmið (mamma það er spurning hvort að þið takið það ekki bara þegar að ég kem heim ;))



Njótiði dagsins :)

Put your diamonds in the sky if you feel the vibe!

Úff...jæja þá held ég að ég sé loksins tilbúin að koma með Kanye blogg!

Mættar!

En á miðvikudaginn fórum við 5 stelpur saman að sjá Kanye West í Oberhausen í Þýskalandi. Ég og Hanna vorum búnar að taka spenninginn upp á nýtt level (gátum bókstaflega ekki sofið vegna spennu...ég vaknaði kl 6 á miðvikudagsmorgninum!) Hanna hafði keypt sér geeðveika húfu í Amster og ég fór í vikunni með Evu í ghetto búðina sem að við vorum búnar að finna niðrá Gare. Þar fann ég svarta pallíettu húfu...mjög töff! ;) Svo höfðu Hanna, Lilja & Kaja keypt Kanye gleraugu fyrir okkur allar í Amster. Til að toppa lúkkið braut ég frekar heilaga afmælisreglu á mínu heimili og fór í geeeðveiku strigaskóna sem að ég valdi mér í Liége (sorry mamma...en þetta var neyðartilfelli!)

Karitas var svo almennileg að fara á sínum bíl aka bláu þrumunni, og lögðum við í'ann um fjögur. Við vorum ekki búnar að keyra nema í ca 20-30 mín þegar að beið okkur þessi þvílíka bílastappa! Og fylgdumst við bara með mínútunum bætast við í naviinu hjá okkur! Og svona var það alla leiðina endalaust af einhverjum vegaframkvæmdum með tilheyrandi stöppum! Það verður bara að segja eins og er að bíllinn sem að Kaja er á er enginn mega bíll...þannig að við skiptumst á að keyra. Þegar að það kom að mér þá útilokaði ég algjörlega alla spennu til þess að ég gæti einbeitt mér 100% að akstrinum. Enda hélt ég að puttarnir mínir ætluðu að detta af ég hélt svo fast um stýrið! Þetta hafði samt ákveðnar afleiðingar í för með sér.....þegar að Hanna sá hvað ég var stressuð og einbeitt varð hún enn stressaðri....svo þegar að ég var búin að leggja bílnum áttaði mig loksins á því að við værum komnar sá ég hvað Hanna var geðveikt stressuð þannig að ég varð enn verri! Við vorum þá 3 eðlilegar stúlkur og 2 við það að líða útaf vegna stress og spennu sem að gengum inní tónleikahöllina í Oberhausen. Við fórum og fundum sætin okkar og því lengur sem að við biðum magnaðist alltaf hnúturinn sem að var mættur í magann á mér!!

Eva var svo spennt að hún sofnaði ;)

Kallinn mætti svo á svið kl 9.....nettari en ALLT! Lá á sviðinu og var fyrsta lagið Good morning (eins og ég og Hanna vorum búnar að spá fyrir um!). Sviðið var ekkert smá flott...búið að búa til eins og yfirborð á einhverri plánetu. En það er semsagt heildar "conceptið" á tónleikum...geimskipið hans 'Jane' hrapar á ókunnugri plánetu! Mjög töff ;)
En öll þessi spenna og stress gjörsamlega sprakk um leið og K mætti á sviðið! Ímyndið ykkur gömlu Bítla myndböndin þar sem stelpurnar eru gjörsamlega að flippa....öskra og gráta...þannig vorum við Hanna! Ekki að ýkja! Hef aldrei upplifað neitt í líkingu við þetta! En hann var GEÐVEIKUR! Highlight of my life!!!!!! Fannst reyndar ömurlegt að það var eitthvað að símanum mínum þannig að ég gat ekki hringt í Eygló mína (við förum á hann eftir áramót beibsla!!!!)
Við vorum líka ekkert smá flottar allar með Kanye gleraugun...klikkuðum reyndar algjörlega á því að taka mynd af okkur öllum saman!
Á meðan hann var á sviðinu er ég nokkuð viss um að ég missti öll tengsl við veruleikann...fann ekkert fyrir því hvað ég var ótrúlega svöng og þyrst (helltist líka allt yfir mig um leið og tónleikarnir voru búnir). Tónleikarnir voru 1&1/2 tími og liðu allt of hratt! En ég hef ekki neitt út á þá að setja...hann var LEGENDARY! Everything we dreamed of! Ég og Hanna vorum búnar að ákveða að kaupa okkur bol á tónleikunum en þegar að við komum að bolasölunni voru þeir bolir sem að okkur langaði í búnir...ákváðum við þá að kaupa okkur í staðin svona passa...mjög flottir, og kaupa þá bara bolinn á netinu. Fólkið sem að var að selja bolina var girt af og ég kalla bara á þann fyrsta sem að ég sé hvað við ætlum að kaupa...sendi hann mér þá frekar undarlegt look og sagðist bara vera þarna til að árita diskana sína, þá var þetta semsagt rappari sem að heitir Consequence. Ég held að hann hafi orðið frekar móðgaður...og ekki batnaði það þegar að fleiri fóru að biðja hann um hjálp. Eftir smá bið fengum við svo loksins passana okkar!
Héldum svo sjúklega sælar aftur í bílinn og byrjuðum á að stimpla inní naviinn hvar næsti KFC væri. Eftir 30mín akstur fundum við svo KFC en þá var greinilega nýbúið að loka....því brunuðum við bara á makkarann sem að var nánast í næsta húsi. Ég hef komist að því að McDonalds er lifesaver...hefur bjargað mér nokkrum sinnum þegar að ég er algjörlega að farast úr hungri...þetta var eitt af þeim skiptum!

Hanna og Karitas skiptust svo á að keyra á leiðinni til baka og vorum við komnar heim um 3. Ég gat hins vegar ekki sofnað fyrr en kl 4! Fimmtudagurinn var hins vegar einn undarlegasti dagur í mínu lífi! Ég veit ekki ennþá hvað gerðist en ég var bara eins og í einhverri leiðslu allan daginn! Fór eiginlega í gegnum daginn í einhverju mógi....fannst ég bara eitthvað svo tóm og vissi eiginlega ekkert hvernig ég ætti að haga mér! Ég og Eva fórum í frönsku og ég hélt bara enganveginn einbeitingu - held ég hafi aldrei upplifað jafn langan dag!! Svo gat ég ekki hugsað mér að hlusta á neitt annað en Kanye...en hins vegar gat ég það ekki einu sinni þar sem um leið og ég heyrði eitthvað með honum fékk ég bara sting í hjartað og nánast tár í augun!! (Nei mamma ég er alveg viss um að það var ekki heilaþvottur í gangi og ég er ekki gengin í sértrúarsöfnuð!) Þetta var svakalegt! Og ég er bara fyrst núna að fá mig til þess að segja almennilega frá þessu! Aldrei nokkurntíman upplifað neitt þessu líkt áður...og geri ekki ráð fyrir að þetta muni gerast aftur...nema þegar að ég fer aftur á Kanye :P

Svo komu rosa góðar fréttir, en Lilja átti að fara heim núna á laugardaginn....en vegna umferðarteppu á leiðinni til Frankfurt missti hún af vélinni. Hún náði þá að breyta miðanum þannig að hún ætti flug heim á morgun (mánud) En hún er búin að finna sér núna nýjan samastað og ætlar því að vera hér með okkur lengur :) Og nær því að vera með í gleðinni á föstudaginn :D

En það eru einungis 5 dagar í afmælið mitt :) Mamma og María komu með pakka handa mér og bíða þeir núna bara eftir að verða opnaðir...ég get ekki beðið mikið lengur!!! Held að ég þurfi kannski að láta bara Evu geyma þá fyrir mig!

Talandi um Mömmu og Maríu en þær komu einmitt í heimsókn til mín um síðustu helgi þ.e.a.s þær komu á fimmtudag og fóru aftur á sunnudag. Og var roooosa gott að fá þær í heimsókn :) Ég rúntaði með þær út um allt til að sýna nú mömmu Lúx og hversu mikið borgin hefði breyst! Á föstudeginum vorum við bara í rólegheitunum að rölta um í bænum en á laugardeginum fórum við í smá bíltúr til Trier...og tókum Evu með okkur :) Um kvöldið fórum við svo allar saman út að borða á Hotel Italia! En frá því að ég kom til Lúx hefur mamma alltaf verið að tala um þennan veitingastað/hótel og að ég þyrfti endilega að hafa augun opin fyrir honum, helst reyna að finna hann! Ég var búin að keyra út um allt en aldrei rak ég augun í þennan stað! Kom svo ekki í ljós þegar að við fórum þarna á laugardagskvöldinu að ég og Eva keyrum þarna framhjá 2x í viku!!! Meira að segja er stórt neon skilti merkt Hotel Italia utan á húsinu - tókum ekki alveg eftir því!
Svona getur maður nú verið stupid stundum :P
Ég get nú ekki sagt að sunnudagurinn hafi verið neitt sérstaklega skemmtilegur dagur!! Það var alveg ótrúlega erfitt að kveðja mömmu og Mæju og veit ég ekki alveg hvernig ég á eftir að fara að því að kveðja alla aftur eftir áramót! Eva hins vegar yndið sem að hún er hélt mér félagskap og kom mér í gegnum daginn ;) Takk elskan þú er yndisleg ;**

Jæja held að þetta sé nú orðið sögulega langt blogg - þannig að ég held að ég hætti hér !

Lag dagsins: Heartless - Kanye West....því hann er legend og 808s & Heartbreak kemur út á morgun :)

Ég & Hanna - Við vorum klárlega nettustu tónleikagestirnir!!!